ബാംഗ്ലൂര്‍: പീഡന വാര്‍ത്തകള്‍ക്ക് യാതൊരു പഞ്ഞവുമില്ലാത്ത സിനിമാരംഗത്തു നിന്നും ഒരു പീഡന വാര്‍ത്തകൂടി പുറത്തു വരികയാണ്. ഇത്തവണ കന്നഡ സിനിമയിലാണ് പീഡനാരോപണം പൊട്ടിപ്പുറപ്പെട്ടത്. തന്നെ വിവാഹം ചെയ്ത ശേഷം തന്നെ വഞ്ചിച്ചു മറ്റൊരു സ്ത്രീയെ വിവാഹം ചെയ്തു എന്ന പരാതിയുമായാണ് പ്രമുഖ കന്നട നടി നടന്‍ അമിതിനെതിരേ രംഗത്തെത്തിയത്. നമിത ഐ ലവ് യു എന്ന ചിത്രത്തില്‍ ഒരുമിച്ചഭിനയിക്കുമ്പോഴാണ് ഇരുവരും പ്രണയത്തിലാകുന്നത്. 2013ല്‍ വിവാഹവും കഴിച്ചു.
എന്നാല്‍ 2016 ല്‍ നടന്‍ ഇവരെ ഉപേക്ഷിക്കുകയായിരുന്നു. വര്‍ഷങ്ങള്‍ക്കു ശേഷം ഇരുവരും കഴിഞ്ഞ ദിവസം വീണ്ടും കണ്ടു മുട്ടി. എന്നാല്‍ പരസ്പരം കണ്ടുമുട്ടിയതിനു പിന്നാലെ ഇവര്‍ ഏറെ നേരം കലഹിച്ചു. ഇതേ തുടര്‍ന്നാണു നടി അമിതിനെതിരേ പൊലീസില്‍ പരാതി നല്‍കിയത്. വിവാഹം കഴിച്ചു തന്നെു ലൈംഗികമായി ചൂഷണം ചെയ്ത ശേഷം തിരിഞ്ഞു നോക്കാതെ കടന്നു കളഞ്ഞു എന്നാണ് ഇവര്‍ ഉന്നയിക്കുന്ന പ്രധാന ആരോപണം.
